親愛的觀眾和讀者：
收到大家意見，有觀眾認為我演出的《孫文的野望》有所不足。
主要有兩個質疑：
「軍費難道要公開搞嗎？」
「作品只談思想，冇講具體做法」
稍安毋躁，且容我娓娓道來。
其實自古至今，抗爭本來就唔可能光明正大，完全透明公開。
事實上，截圖中的對白只係一個比喻。
喻意在於：只守不攻，莫能取勝。
可能導演拍太好，搞到大家都唔記得咗，其實真正嘅孫文已經過咗身。
《孫文的野望》本來就係寓言故事。
寓言故事的功能，亦自然受限於體裁。
正如「一支竹可以易折彎，幾支竹一扎斷折難」係教人團結。
大家聽完個比喻都會好明白。
但係難免有人聽到就好嬲，仲走出嚟屌：
「喂！團結就係一班人扎住，等差佬嚟拗斷呀？」
你同佢講《三隻小豬》，佢又會屌：
「喂！唔通豬真係識起屋呀？」
「你剩係講起磚屋，又唔教我點起磚屋？」
寓言故事講嘅，向來係老生常談嘅智慧。
我哋創作團隊都明白，市場渴慕攻略，渴慕Step By Step嘅Walkthrough。
我哋明白大家渴慕權威，同時亦挑戰權威。
最好就由梁天琦做YouTuber，拍返條《How to 抗爭》，教大家落幾多鹽，個抗爭又要焗幾耐。
我哋明白大家憂慮惶恐，只想解決眼前問題。
但我哋《孫文的野望》講嘅嘢其實好簡單。
自處自省，在亂世安身立命！
如此而已。
——————-
今次畫出腸，以正視聽，主要係為幕後團隊舒解壓抑。
其實大家講乜，我自己就唔係好介懷，但係我哋導演已經就嚟爆炸喇！
因為我叫咗幕前幕後都唔准出Post反駁負評，但係有時大家睇留言又睇到好躁。
所以，希望大家留言讚下導演啦，佢就嚟痴線㗎啦⋯⋯
Search